Mōjas lopa izveidōta, lai apkūpōtu un izplateitu informaciju par prīsteri, mūcekli Vladislavu Litaunīku un Latvijas Rōmas katōļu draudzem, un cytom vītom, kurōs nūtykušas vai nūtiks Svātōs Mises nūdūmā par prīstera, mūcekļa Vladislava Litaunīka beatifikacijas procesa aizsuokšonu un vysom tymā īsaisteitajom personom.

Aicynojam:

  • lyugtīs par prīstera, mūcekļa Vladislava Litaunīka beatifikacijas procesa veicynōšonu;

  • lyugtīs par vysim, kuri strōdōjuši voi strōdoj pi šō procesa veicynōšonas;

  • pīteikt Svātū Misi ari sovā draudzē, nūdūmā par prīstera, mūcekļa Vladislava Litaunīka beatifikacijas procesa veicynōšonu un vysom tymā īsaisteitajōm personom, un informēt myusus, lai informaciju par Sv. Mises nūrises vītu un laiku varam īvītōt “lyugšonu gunkuru” kartē;

  • aicynojam pīsavīnōt myusu komandai, ja jyuti pamudynōjumu īpašā veidā paleidzēt aizsuokt prīstera, mūcekļa Vladislava Litaunīka beatifikaciju.

Novenna prīstera mūcekļa Vladislava Litaunīka gūdam

Lasejums nu Jōņa atklōsmes grōmotas 7, 9 – 10; 13-14

Tod es redzēju lelu pulku, kū nivīns navarēja saskaiteit, nu vysom tautom, ciļtim, tauteibom un volūdom stōvam trūņa un Jāra prīškā, apgērbtus boltōs drānōs un palmom rūkōs, kas sauce, skaļā bolsā saceidami: “Slava myusu Dīvam, kas sēd trūnī, un Jāram! “ Un vins nu seņtāvim jautōdams saceja maņ: “Kas ir tī, kas tārpti boltōs drānōs? Un nu kurīnes jī nōkuši? Šī ir tī, kas nōkuši nu lelom cīsšonom un sovas drānas mozgōjuši un tōs balynōjuši Jāra asnī.”

Lyugsimēs:

Vysuvarenais un žāļsirdeigais Dīvs, Tu myusim dōvoj prīsterus pēc Sovas Sirds leidzeibas, dorūt tūs spējeigus uz upurgotovu mīlesteibu pēc Jezus Kristus, Lobō Gona, parauga. Taidas mīlesteibas pīpiļdeits, prīsters Vladislavas Litaunīks, leidzdaleibnīks Kristus cīsšonōs, ar vysu sovu dzeivi līcynōja par Kristus mīlesteibas spāku malu un naida vydā, un palykdams uzticeigs Dīva prīsters, izcīte lelas mūkas un myra mūcekļa nōvē, klyudams komunistiskō režima upurs.

Uztycam jō lyugšonom myusu dzimteni un Latvijas Bazneicu. Lai prīstera Valdislava Litaunīka dzeives līceiba un mūcekleiba nas bogōteigus augļus, dōvojūt Latvijai goreigu atdzimšonu, svātus prīsterus un kristeigū tautu dedzeigu ticeibā. Tu, kas dzeivoj un voldi myužu myužūs. Amen.

Prīsteri Vladislav, lyudz Dīvu par mums!

Tāvs myusu…

Esi sveicynōta, Marija…

Gūds lai ir Tāvam…

Prīsteri un mūcekli Vladislav, lyudz Dīvu par mani! Ar sovu dzeivi, cīsšonom un nōvi tu tik ļūti leidzynōjīs pošam Kristum – izlyudz maņ nu Dīva žēlesteibu, kuru lyudzu … (nūsaukt sovu lyugšonas nūdumu), ja tys saskaņ ar Dīva grybu. Amen.

Dasmytajā dīnā īteicams pīsadaleit Svātajā Misē.

Olūts:  Katolis.lv

Tulkojūt mōjas lopu uz latgalīšu volūdu, izmontōta Pītera Stroda Pareizraksteibas vōrdneica, 4. izdavums, LATGOLAS KULTURAS CENTRA IZDEVNĪCEIBA, Rēzeknē, 2016. gods.


 .